Ўзбекистон Республикасининг болалар соғломлаштириш оромгоҳлари

     Бизнинг мақсадимиз ўйин–кулгу, ижодкорлик ва янги қизиқарли машғулотларга тўла унутилмас ёз мавсумини яратишдир. 11,0 гектар майдонда шинам турар жойлар, спорт майдончалари, концертлар саҳнаси ва бассейн мавжуд.

     "ZARKENT" оромгоҳи 7-14 ёшли болалар учун ёзги соғломлаштириш оромгоҳи бўлиб, Наманган вилояти марказидан 50 км узоқликда, тоғлар этагидаги экологик тоза ҳудудда жойлашган.

     Турар жойлар қулайликларга эга, шинам хоналардан иборат. Овқатланиш хонасида кунига 4 махал мазали ва фойдали таомлар таклиф этилади. Ҳудудда хавфсизликни таъминлаш учун видеокузатув тизимлари ўрнатилган ва вилоят Ички ишлар, Миллий гвардия ва Фавқулодда вазиятлар бошқамаси ходимлари туну-кун болалар хавфсизлиги учун навбатчилик қилишади.

     Ҳар куни тажрибали етакчилар ва тарбиячилар болалар учун турли хил маҳорат дарслари, уларнинг қизиқишлари бўйича ижодий ва спорт тадбирларини ўтказадилар. Актёрлик, мусиқа, хореография, роботоотехника, қўл санъатлари ва рассомчилик шулар жумласидандир.

     Спорт ихлосмандлари бизнинг спорт майдончаларимизда теннис, волейбол, баскетбол ва футбол билан шуғулланишлари мумкин.

     Дам олувчиларнинг ихтиёрида концертлар ва кинолар, ўйин ва спорт майдончалари, ёзги кинотеатр, кутубхона, бассейн ва дам олиш жойлари мавжуд. Ҳар куни оромгоҳда болалар иштирокида дискотека, танловлар ва кўнгилочар шоулардан иборат махсус дастурлар тайёрланади.

     Сизни "ZARKENT" оромгоҳида ёзги саргузаштда кутамиз!

     Сменалар 7 июндан 2 августгача бўлган мавсумда 12 кунлик дастур асосида ташкиллаштирилади.

     Биз болажонларни оромгоҳимизда кутамиз!