Ўзбекистон Республикасининг болалар соғломлаштириш оромгоҳлари

     “ZOMIN” болалар оромгоҳи 7-14 ёшли болалар учун мўлжалланган бўлиб, Гулистон шаҳридан 90 км узоқликда, чиройли табиат қўйнида жойлашган. Икки томони қир адирлар билан ўралган, Зоминнинг шифобахш хавосига бой ҳудудда жойлашган.

     Болалар 8-10 кишилик ётоқхоналарга жойлашишади. Замонавий кондиционерлар билан жиҳозланган овқатланиш залида 5 махал соғлом менюга асосан овқатланиш ташкиллаштирилади. Оромгоҳ хавфсизлиги жиҳатдан тўлиқ панжара ва деворлар билан ўралган бўлиб, видеокузатув камералари билан таъминланган. Шунингдек 24 соат давомида Миллий гвардия, Ички ишлар ва Фавқулодда вазиятлар бошқармаси ходимлари томонидан қўриқланади.

     Тажрибали еткачи ва тарбиячилар ҳар куни турли хил қизиқарли ўйинлар, мусобақалар ва тадбирлар билан болаларнинг кайфиятини кўтаришади. Ўзига хос мусобақалар ва тўгараклар болаларнинг билимларини оширишга ва дунёқарашини кенгайтиришга хизмат қилади. Оромгоҳдаги бассейн ва спорт майдончалари болаларда спортга бўлган қизиқишларини оширади ҳамда жисмоний жиҳатдан чиниқтиради.

     Китобсевар болалар учун оромгоҳ кутубхонасида мингдан ортиқ адабиётлар мавжуд. Шунингдек, оромгоҳда кинотеатр ва спектакллар ташкил қилинади. Кечки тадбирлардаги кўнгилочар ва рақс чиқишлари болаларда позитив руҳни уйғотади.

     Сизни “ZOMIN” болалар оромгоҳида унутилмас саргузаштга чорлаймиз!

     Сменалар 2 июндан 23 августгача бўлган мавсумда 12 кунлик дастур асосида ташкиллаштирилади.

     Биз болажонларни оромгоҳимизда кутамиз!