Ўзбекистон Республикасининг болалар соғломлаштириш оромгоҳлари

     “PESHKU” болалар оромгоҳи 7-14 ёшли болалар учун ёзги соғломлаштириш оромгоҳи бўлиб, туман марказидан 3-4 км узоқликда, анҳор бўйидаги экологик тоза ҳудудда жойлашган. Кўп йиллик арча, чинор ва мевали дарахтлар билан қопланган 4 гектар майдон ажойиб дам олиш учун қулай муҳит яратади.

     Турар жойлар барча қулайликларга эга бўлган 12-14 кишилик шинам хоналардан иборат. Овқатланиш хонасида кунига 4 махал мазали ва фойдали таомлар таклиф этилади. Ҳудудда хавфсизликни таъминлаш учун видеокузатув тизимлари ўрнатилган. Ички ишлар вазирлиги, Миллий гвардия ва Фавқулодда вазиятлар вазирлиги ходимлари томонидан туну-кун навбатчилик ташкил қилинган.

     Оромгоҳда малакали тарбиячи ва етакчилар, мусиқа, спорт, сузиш мураббийлари болалар учун турли хил маҳорат дарслари, уларнинг қизиқишлари бўйича ижодий ва маданий тадбирларни ўтказадилар. Актёрлик, мусиқа, хореография, қўл иши санъатлари ва бошқалар шулар жумласидандир.

     Спорт ихлосмандлари бизнинг спорт майдончаларимизда теннис, волейбол, футбол билан шуғулланишлари мумкин.

     Дам олувчиларнинг ихтиёрида концерт ва спектакллар учун махсус жойлар, ўйин ва спорт майдончалари, кутубхона, бассейн ва дам олиш жойлари мавжуд. Ҳар куни оромгоҳда болалар иштирокида дискотека, танловлар ва кўнгилочар шоулардан иборат махсус дастурлар тайёрланади.

     Оромгоҳдаги ажойиб боғда ёзги мавсумда турли-туман мевалар ғарқ пишади.

     Сменалар 1 июндан 10 августгача бўлган 12 кунлик дастур асосида ташкиллаштирилади.

     Сизни “PESHKU” оромгоҳида ёзги саргузаштда кутамиз!