Ўзбекистон Республикасининг болалар соғломлаштириш оромгоҳлари

“JAYXUN QUYOSHI” оромгоҳи 7-14 ёшли болалар учун ёзги мавсумий соғломлаштириш оромгоҳи бўлиб, Хоразм вилояти марказидан 35 км узоқликда, Шовот канали яқинидаги экологик тоза, табиати сўлим бўлган ҳудудда жойлашган. Кўп йиллик гужум, терак ҳамда бошқа мевали ва манзарали дарахтларга бой бўлган 5 гектар майдон ажойиб дам олиш учун қулай муҳит яратади.

Оромгоҳ замонавий талаблар асосида қурилган ётоқхона биноларига эга бўлиб, 8-10 кишилик шинам ва салқин хоналар болаларнинг қулай яшаши учун тўлиқ жиҳозланган. Овқатланиш биносида кунига 5 маҳал мазали ва фойдали, витаминларга бой бўлган таомлар таклиф этилади. Ҳудудда хавфсизликни таъминлаш учун видеокузатув тизимлари ўрнатилган ҳамда Ички ишлар вазирлиги, Миллий гвардия ва Фавқулодда вазиятлар вазирлиги ходимлари туну-кун болалар хавфсизлиги учун навбатчилик қилишади.

Ҳар куни тажрибали етакчилар ва тарбиячилар болалар учун турли хил маҳорат дарслари, уларнинг қизиқишлари бўйича ижодий ва спорт тадбирларини ўтказадилар: актёрлик, мусиқа, хореография, робототехника, қўл санъатлари,  ва бошқалар. Спорт ихлосмандлари бизнинг спорт майдончаларимизда теннис, волейбол, баскетбол ва футбол билан шуғулланишлари мумкин. Пиёда юриш учун оромгоҳ ҳудудида махсус йўлакчалар ташкил қилинган.

Дам олувчиларнинг ихтиёрида концертлар ва спектакллар томоша қилиш жойлари, ўйин ва спорт майдончалари, ёзги кинотеатр, кутубхона, компьютер хоналари,  бассейн ва дам олиш жойлари мавжуд. Ҳар куни оромгоҳда болалар иштирокида кечки дискотека тадбирлари, танловлар ва кўнгилочар шоулардан иборат махсус дастурлар тайёрланади. Бу болаларга ўзларини турли соҳаларда синаб кўриш ва турли тўгараклар ва севимли машғулотларда ўзларини ривожлантириш имконини беради.

Оромгоҳ дастури қизиқарли жойларга саёҳатларни ўз ичига олади, бу  болаларнинг дунёқарашини кенгайтириш ва атрофдаги янги тарихий билимларга эга бўлиш имконини беради.

Сизни “JAYXUN QUYOSHI” оромгоҳимизда ёзги саргузаштда кутамиз!

Сменалар 1 июндан 31 августгача бўлган мавсумда 12 кунлик дастур асосида ташкиллаштирилади.

Биз болажонларни оромгоҳимизда кутиб қоламиз!