Ўзбекистон Республикасининг болалар соғломлаштириш оромгоҳлари

     “AMUDARYO” болалар соғломлаштириш оромгоҳи 7-14 ёшли болалар учун ёзги соғломлаштириш оромгоҳи бўлиб, Термиз шаҳрининг чеккасида, Сурхондарё дарёсининг бўйида жойлашган. Мевали ва манзарали дарахтлар, турли-туман  анвойи гуллар билан ўралган 7 гектар майдон ажойиб дам олиш учун қулай муҳит яратади.

     Турар жойлар қулайликларга эга, 2-4 кишилик шинам хоналардан иборат. Овқатланиш ошхонасида кунига 5 махал мазали ва фойдали таомлар таклиф этилади. Ҳудудда хавфсизликни таъминлаш учун видеокузатув тизимлари ўрнатилган ҳамда Ички ишлар, Миллий гвардия ва Фавқулодда вазиятлар бошқармаси ходимлари туну-кун болалар хавфсизлиги учун навбатчилик қилишади.

     Жамоамиздаги етакчи ва тарбиячилар имтиҳон асосида ишга қабул қилинган бўлиб, оптимист, ўз ишига масъулият билан ёндашиши билан бирга рус ва инглиз тилларини мукаммал биладиган ёш ва серғайрат кадрлардан иборат. Ҳар куни етакчилар ва тарбиячилар томонидан болалар учун турли хил маҳорат дарслари, уларнинг қизиқишлари бўйича ижодий ва спорт тадбирлари ўтказилади. Компьютер саводхонлиги, робототехника, миллий ҳунармандчилик, ўғил болалар учун сартарошлик, косибчилик, қиз болалар учун каштачилик, тўқувчилик, қандолатчилик шулар жумласидандир. Спорт ихлосмандлари бизнинг спорт майдончаларимизда теннис, волейбол, баскетбол ва футбол билан шуғулланишлари мумкин. Шаҳар атрофидаги кўнгилочар жойларга ва зиёратгоҳларга экскурсиялар уюштирилади.

     Дам олувчиларнинг ихтиёрида концертлар ва спектакллар, ўйин ва спорт майдончалари, ёзги амфитеатр, кутубхона, бассейн ва дам олиш жойлари мавжуд. Ҳар куни оромгоҳда болалар иштирокида дискотека, танловлар ва кўнгилочар шоулардан иборат махсус дастурлар тайёрланади.

     Сизни “AMUDARYO” болалар соғломлаштириш  оромгоҳи да ёзги саргузаштда кутамиз!

     Сменалар 1 июндан 31 августгача бўлган мавсумда 12 кунлик дастур асосида ташкиллаштирилади.

     Биз болажонларни оромгоҳимизда кутамиз!