Ўзбекистон Республикасининг болалар соғломлаштириш оромгоҳлари

Ётокхоналарга  келсак: 3 та корпус мавжуд бўлиб, ҳар бир корпус ички қисмида  4 та хонадан иборат хамда ҳар бири 17 нафардан жами 68 нафар болажонларни ўз бағрига сиғдира олади.

Ошхонадан таралаётган хушбўй ҳидлар сизни албатта ўзига чорлайди. Овқатланиш хонасида ҳар куни маҳоратли ошпазлар томонидан тайёрланадиган мазали ва саломатлик учун фойдали бўлган таомлар таклиф этилади.

Худуд атрофи баланд деворлар билан ўралганлиги болалар хавфсизлигини янада кучайтиради ва қолаверса Ички ишлар бошқармаси ҳамда Миллий гвардия билан ҳамкорликда йўлга қўйилган навбатчилик туну-кун ишлаб туради.

Маҳоратли тарбиячилар томонидан ўтказиладиган машғулотлар болажонлар билимини янада оширади. Оромгоҳимизда тўгараклар ҳам йўлга қўйилган, улардан албатта самарали фойдаланинг. IT мутахассиси, шахмат, шашка, катта теннис, бадминтон, ментал арифметика, кулолчилик усталаридан намуналар ҳамда улар билан ишлаб кўриш сизга завқ бағишлайди.

Дам олувчи болаларимиз учун оромгоҳ худудидаги футбол майдони, сузиш хавзаси, кечки мусиқий дастурлар, театрлаштирилган мазмунли чиқишлар махсус дастурларимиздан ўрин олган.

Сизни “RISHTON” болалар оромгоҳида ёзги таътилда кутиб қоламиз!

Сменалар 12 кунлик дастур асосида ташкил этилади.