Ўзбекистон Республикасининг болалар соғломлаштириш оромгоҳлари

     “ISHONCH” оромгоҳи 7-14 ёшли болалар учун ёзги соғломлаштириш оромгоҳи бўлиб, Навоий шаҳридан 15 км узоқликда, хушманзара, 500 дан зиёд мевали ва манзарали дарахтларга бой, экологик тоза ҳудудда жойлашган. Кўп асрлик чинорлар билан тўлган 3 гектар майдон ажойиб дам олиш учун қулай муҳит яратади.

     Турар жойлар қулайликларга эга бўлиб, 8 киши ётоғига мўлжалланган хоналар мебель, кроват ва юмшоқ замонавий матраслар билан таъминланган. Овқатланиш хонасида кунига 5 махал мазали ва фойдали таомлар таклиф этилади. Ушбу таомларни эса юқори малакали, қўли ширин ошпазлар жамоаси тайёрлашади. Ҳудудда хавфсизликни таъминлаш учун видеокузатув тизимлари ўрнатилган ҳамда вилоят Ички ишлар бошқармаси, Миллий гвардия, ва Фавқулодда вазиятлар бошқармаси ходимлари туну-кун болалар хавфсизлиги учун навбатчилик қилишади.

     Ҳар куни тажрибали етакчилар ва тарбиячилар болалар учун турли хил маҳорат дарслари, уларнинг қизиқишлари бўйича ижодий ва спорт тадбирларини ўтказадилар: актёрлик, мусиқа, хореография, робот-техника, қўл санъатлари ва бошқалар. Спорт ихлосмандлари бизнинг спорт майдончаларимизда теннис, волейбол, баскетбол ва футбол билан шуғулланишлари мумкин

     Дам олувчиларнинг ихтиёрида концертлар ва спектакллар жойлари, қўғирчоқ театри, ўйин ва спорт майдончалари, ёзги кинотеатр, кутубхона, бассейн ва дам олиш жойлари мавжуд. Ҳар куни оромгоҳда болалар иштирокида дискотека, танловлар ва кўнгилочар шоулардан иборат махсус дастурлар тайёрланади.

     Сизни “ISHONCH” оромгоҳида ёзги саргузаштда кутамиз!

     Сменалар 1 июндан 31 августгача бўлган мавсумда 12 кунлик дастур асосида ташкиллаштирилади.

     Биз болажонларни оромгоҳимизда кутамиз!