Ўзбекистон Республикасининг болалар соғломлаштириш оромгоҳлари

     "QIZILTEPA" оромгоҳи 7-14 ёшли болалар учун ёзги соғломлаштириш оромгоҳи бўлиб, Навоий шаҳридан 55 км узоқликда, экологик тоза ҳудудда жойлашган. Кўп асрлик чинорларга бой 2,2 гектар майдон ажойиб дам олиш учун қулай муҳит яратади.

     Турар жойлар барча қулайликларга эга бўлиб, шинам хоналардан иборат. Овқатланиш хонасида кунига 5 махал мазали ва фойдали таомлар таклиф этилади. Ҳудудда хавфсизликни таъминлаш учун видеокузатув тизимлари ўрнатилган ҳамда Ички ишлар, Миллий гвардия ва Фавқулодда вазиятлар вазирлиги ходимлари томонидан туну-кун болалар хавфсизлиги учун навбатчилик ташкил қилинади.

     Ҳар куни тажрибали етакчилар ва тарбиячилар болалар учун турли хил маҳорат дарслари, уларнинг қизиқишлари бўйича ижодий ва спорт тадбирларини ўтказадилар. Актёрлик, мусиқа, хореография, робототехника, қўл санъатлари шулар жумласидандир. Спорт ихлосмандлари бизнинг спорт майдончаларимизда теннис, волейбол, баскетбол, футбол билан шуғулланишлари мумкин.

     Дам олувчиларнинг ихтиёрида концертлар ва спектакллар учун жойлар, ўйин ва спорт майдончалари, кутубхона, бассейн ва дам олиш жойлари мавжуд. Ҳар куни оромгоҳда болалар иштирокида дискотека, танловлар ва кўнгилочар шоулардан иборат махсус ўн икки кунлик дастурлар тайёрланган.

     Сизни "QIZILTEPA"оромгоҳида ёзги саргузаштда кутамиз!

     Сменалар 6 июндан 31 августгача бўлган мавсумда 12 кунлик дастур асосида ташкиллаштирилади.

     Биз болажонларни оромгоҳимизда кутамиз!

     Биз азиз болажонларнинг оромгоҳимизда мазза қилиб дам олишлари учун тайёрмиз!