Ўзбекистон Республикасининг болалар соғломлаштириш оромгоҳлари

     “TABASSUM” оромгоҳи 7-14 ёшли болалар учун ёзги соғломлаштириш оромгоҳи бўлиб, Навоий шаҳридан 50 км узоқликда, тўрт томонида анҳорлар мавжуд  экологик тоза ҳудудда жойлашган. Кўп асрлик чинорлар, мевали манзарали дарахтларга тўла бўлган ажойиб дам олиш учун қулай маскан ҳисобланади.

     Турар жойлар қулайликларга эга бўлган шинам хоналардан иборат. Овқатланиш хонасида малакали ошпазлар томонидан тайёрланадиган сифатли ва колорияга бой, мазали ва фойдали таомлардан лаззаланадилар. Ҳудудда хавфсизликни таъминлаш учун видеокузатув тизимлари ўрнатилган ҳамда вилоят Ички ишлар, Миллий гвардия ва Фавқулодда вазиятлар бошқармаси ходимлари туну-кун болалар хавфсизлиги учун навбатчилик қилишади.

     Ҳар куни тажрибали тарбиячи ва етакчилар болалар учун турли хил интерактив ўйинлар, маҳорат дарслари, уларнинг қизиқишлари бўйича ижодий ва спорт тадбирларини ўтказадилар. Китобхонлик, актёрлик, мусиқа, қўл санъатлари рассомчилик шулар жумласидандир. Спорт ихлосмандлари бизнинг спорт майдончаларимизда теннис, волейбол ва футбол билан шуғулланишлари мумкин.

     Дам олувчи болалар ихтиёрида концертлар ва спектакллар учун жойлар, ўйин ва спорт майдончалари, кутубхона, дам олиш жойлари ҳамда сузиш ҳавзаси мавжуд. Ҳар куни оромгоҳда болалар иштирокида танловлар ва кўнгилочар шоулардан иборат махсус дастурлар тайёрланади.

     Сизни “TABASSUM” оромгоҳида ёзги саргузаштда кутамиз!

     Болалар дам олиш мавсуми 2024 йил 6 июндан 31 августгача бўлиб, 12 кунлик дастур асосида ташкиллаштирилади.

     Биз болажонларни оромгоҳимизда кутамиз!