Ўзбекистон Республикасининг болалар соғломлаштириш оромгоҳлари

     Хушманзара, гўзал ва бетакрор табиати, салқин ва мусаффо ҳавоси билан ажралиб турувчи "ENERJI" болалар соғломлаштириш оромгоҳи болаларни қабул қилиш учун тайёр. Мазали ва тўйимли таомларга эга ошхона, дунё ва ўзбек ёзувчиларининг бадиий асарларига бой кутубхона, футбол, волейбол, баскетбол майдончалари, стол тенниси, бассейн ҳамда кенг ва ёруғ ётоқхоналар хизматингизда. Дам олувчи болаларнинг ҳар бир дақиқасини самарали ўтказиши учун турли маданий-маърифий тадбирлар, спорт мусобақалари, тўгараклар, концерт дастурлари доимий ташкил этиб борилади.

     Шу билан биргаликда, кўп йиллик дарахтлар, шарқироқ сойлар оромгоҳга тоза ҳаво ва ёқимли салқинликни бағишлайди. Маҳоратли дизайнерлар томонидан ишланган ландшафтлардаги мультфильм қаҳрамонлари ва турли ҳайвонларнинг ҳайкалчалари ҳам болаларга ўзгача кайфият бағишлайди.

     Оромгоҳнинг тажрибали шифокорлари ҳамда малакали педагогик жамоаси томонидан болаларнинг мароқли ва мазмунли дам олишлари кафолатланади.  Уларнинг саломатлиги, тозалиги, орасталиги, овқатланиш тартиби шифокорлар, хавфсизлиги эса Ички ишлар вазирлиги, Миллий гвардия ҳамда Фавқулодда вазиятлар вазирлиги ходимларининг доимий назоратида бўлади.

    Оромгоҳимиз фарзандларингиз учун мунтазир!!!